LA UNION – Maging ang mga Pilipino ay nakikisaya sa naging panalo ng Italy laban sa England sa isinagawang EURO 2020.
Sa naging panayam kay Bombo International News Correspondent Annabel Quismorio Noble tubo ng Barangobong, Luna, La Union at naninirahan na sa Italy na maging sila ay masaya sa panalo ng Italy national team.
Ayon kay Noble, pagkaraan ng 53 taon ay muling nakuha ng Italy national team ang kampeonato sa larong football.
Samantala, base sa pananaliksik ang bansang Italy ang pinakamatagumpay sa kasaysayan ng football at World Cup, kung saan nanalo na ito ng apat na titulo (1934, 1938, 1982, 2006); dalawang finals noong (1970, 1994); third place (1990) at fourth place (1978).
Nanalo na rin ang nasabing bansa ng dalawang European Championships (1968, 2020), at nagpakita sa dalawang finals ng torneyo noong (2000, 2012). Sila rin ang may highest finish at ang FIFA Confederations Cup noong 2013, kung saan nakuha ng grupo ang third-place finish.
Noong taon 1938, ang Italy ay naging kauna-unahang team na nakapagtanggol ng kanilang titulo sa World Cup title at dahil sa outbreak noong World War II, napanatili nito ang titulo sa loob ng 12 taon.
Nanalo na rin ang nasabing bansa ng dalawang Central European International Cups (1927–30, 1933–35). Sa pagitan ng unang dalawang World Cup victories nanalo ang Italy sa Olympic football tournament (1936).
Matapos ang pagkamatay ng karamihan sa grupo dahil sa plane crash noong 1949 hindi na nagawa ng grupo na makilahok sa dalawang World Cup tournaments at nabigo na maka-qualify para sa 1958 edition hanggang 2018 edition.
