Mga Pinoy na ‘fully-vaccinated’ nasa mahigit 31-M

Nasa 31.82 milyon mga Filipino ang fully-vaccinated na laban sa COVID-19 mula ng ilunsad ng gobyerno ang kanilang vaccination campaign noong Marso.

Katumbas ito ng 29.18% ng populasyon laban sa 90% na target na herd immunity ng Department of Health (DOH).

Mayroon na ring mahigit 38.47-M o 35.28% mga Pinoy ang nakatanggap ng kanilang unang shot.

Tiniyak din ng DOH na mapapabilis ang pagpapabakuna sa nalalapit na mass vaccination na gaganapin sa Nobyembre 29-Disyembre 1.