Mga residente ng Datu Montawal Maguindanao Del Sur inalerto kontra bahaCENTRAL MINDANAO-Pataas nang pataas ng lebel ng baha sa bayan ng Datu Montawal Maguindanao Del Sur.
Ayon kay Municipal Disaster Risk Reduction Management Office (MDRRMO) Officer Balumol Kadiding na nasa critical level na ang Pulangi River at Liguasan Marsh.
Kaya inalerto ni Kadiding ang mga residente sa gilid ng ilog at mga mababang lugar na maghanda sa posibling pagragasa ng baha.
Unang sinabi ni Datu Montawal Mayor Datu Otho Montawal na catch basin ng baha ang lalawigan ng Maguindanao at North Cotabato mula sa Bukidnon at Agusan River.
Matatandaan na sinalanta rin ng baha ang bayan ng Datu Montawal nang manalasa ang bagyong Paeng.
Naghahanda na ang LGU-Datu Montawal at Provincial Govt ng Manguindanao ng tulong sa mga pamilya na sinalanta ng baha.
