Hindi nakapalag ang Miami Heat sa Portland Trailblazer sa kabila ng 4th-quarter scoring run ng koponan.
Pinangunahan ni Portland small guard Anfernee Simons ang Blazers at kumamada ng 24 points habang 22 points at 15 rebounds naman ang ini-ambag ng sentrong si Deandre Ayton.
Limang iba pang player ng Portland ang nagbuhos ng tig-double-digit points.
Sa unang tatlong quarter ng koponan, hawak na ng Portland ang 20-point lead, 97 – 77.
Ipinakat naman ng Miami ang 4th quarter scoring run at nagawang magbuhos ng 30 points sa loob ng 12 mins. Tanging 19 points lamang ang naiganti rito ng Blazers.
Gayunpaman, hindi pa rin naging sapat ang scoring run ng Miami upang burahin ang 20-point 3rd quarter lead ng Portland.
Nagtapos ang laban, 116 – 107, pabor sa Portland.
Nalimitahan lamang sa 13 points si Miami star Jimmy Butler habang 20 points at 16 rebounds ang idinagdag ng sentrong si Kel’el Ware.
Bumagsak na sa 21-21 ang Heat kasunod ng pagkatalo habang hawak naman ng Blazers ang 15 – 28 win-loss record.
