Miami patuloy ang pagkapit sa 8th place, Wade hinarana ng mga fans sa Madison Square Garden

Naging madamdamin para kay Dwayne Wade ang kanyang mistulang farewell game laban sa New York Knicks sa makasaysayang Madison Square Garden.

Si Wade na magreretiro na sa pagtatapos ngayong season ay hinarana pa ng mga fans at paulit ulit na isinisigaw ang “D-Wade! D-Wade”.

Nagbalik tanaw din si Wade sa kanyang unang paglalaro sa pamosong MSG noong nasa kolehiyo pa siya.

Sa pagpasok niya sa first quarter ay binigyan pa sya ng standing ovation at may video tribute rin.

Hindi naman binigo ni Wade ang mga fans nang magtala sya ng 16 points para tulungan ang Heat na manalo laban sa kulelat na Knicks, 100-92.

Nanguna sa opensa ng Miami si Dion Waiters na nagpakita ng 28 points.

Dahil dito napanatili ng Heat (38-38) ang pagkapit sa huling puwesto na ikawalo para sa NBA playoffs sa Eastern Conference.

Samantala muling masusubok ang Miami sa big game  laban sa Celtics sa Martes.

Haharapin naman ng Knicks (14-62) and Bulls.