Binigyang diin ni Chinese Ambassador to the Philippines Huan Xilian na ang kooperasyong militar sa pagitan ng Pilipinas at Estados Unidos ay magsasapanganib sa kapayapaan at katatagan ng rehiyon ng bansa at China.
Inilabas ng embahada ang pahayag matapos bumisita sa Pilipinas si US Under Secretary of State Victoria Nuland at sinabing apat na karagdagang Enhanced Defense Cooperation Agreement (Edca) sites ang magdadala ng mga oportunidad sa ekonomiya at trabaho sa Pilipinas.
Nauna nang itinanong ni Nuland kung ang mga pangako ng China ay nakabuo ng trabaho sa Pilipinas.
Gayunpaman, binanggit ng China na humigit-kumulang 40 government-to-government cooperation projects ang nagawa na o kasalukuyang isinasagawa sa Pilipinas.
Sinabi pa nito na ang state visit ni Pangulong Ferdinand Marcos Jr. sa China kamakailan ay nagresulta sa 14 na intergovernmental cooperation deals.
Sa pagbanggit sa datos ng Pilipinas, sinabi ng China na nilagdaan ng Manila at Beijing ang kasunduan ng intensyon ng pamumuhunan at kalakalan na nagkakahalaga ng $22.8 billion at mga procurement plans na nagkakahalaga ng halos $2.1 billion.
