Dalawang linggo bago ang coronation, mas umingay pa ang mga kaganapan para sa Miss Universe Philippines (MUP) 2022.
Ito’y kasunod ng anunsyo ng MUP na magkakaroon ng special appearance si Miss Universe 2021 Harnaaz Sandhu ng India. Nangangahulugan ito na karagdagang international beauty queens ang bibisita sa bansa para sa Miss Universe Philippines coronation.
Una nang naiulat na makakasama ng 2015 Pinay Miss Universe na si Pia Wurtzbach bilang host sina Miss Universe 2016 Iris Mittenaere ng France at 2017 Miss Universe Demi-Leigh Tebow ng South Africa.
Gaganapin ang pangalawang coronation ng Miss Universe Philippines bilang hiwalay na franchise sa darating na April 30 sa MOA Arena.
Kamakailan lang nang unang beses ipagtapat ni Harnaaz Sandhu na ang dahilan ng kanyang weight gain ay dahil sa tinatawag na Celiac disease, isang immune disorder na epekto ng mga pagkaing may mataas na gluten.
Kung maaalala, ka-batch ng Miss India sa 70th coronation ang pambato ng Pilipinas na si Gazini Ganados na nagtapos sa Final 5.
