Inanunsiyo ng Miss Universe organization na bibisita sa Pilipinas si reigning Miss Universe 2023 Sheynnis Palacios simula bukas, Mayo 1 hanggang 6.
Ang pagbisita ng Nicaraguan beauty queen sa bansa ay bahagi ng kaniyang nagpapatuloy na Asia tour na kasalukuyang nasa Thailand.
Una ng binisita ni Sheynnis ang Laos, Cambodia at China bagamat may ilang scheduled trip itong nakansela kabilang ang Indonesia at Malaysia.
Sa isang video message na ibinahagi sa official instagram account ng Miss Universe organization ngayong araw, sinabi ng beauty queen na looking forward na itong ma-experience ang mayamang kultura ng ating bansa.
Matatandaan si Palacios ang kauna-unahang Nicaraguan na kinoronahan sa Miss Universe noong Nobiyembre 18, 2023, ipinasa ang korona sa kaniya ni Miss Universe 2022 at FilAm beauty queen R’Bonney Gabriel na kasalukuyang nandito sa Pilipinas.
