-- Advertisements --
Nagpasya ang organizer ng Miss World 2021 na pansamantala muna nilang ipagpaliban ang kanilang global broadcast sa Puerto Rico.
Ito ay para na rin sa kaligtasan sa kalusugan ng mga contestants, staff, crew at ng publiko.
Inilabas ang nasabing desisyon matapos ang ginawang pagpupulong ng organizer sa mga virologist at medical experts na kanilang kinuha para mangasiwa sa Miss World 2021.
Posibleng ituloy nila ang nasabing pageant pagkatapos ng 90 araw.
Nauna rito lumabas ang usapin na may ilang mga contestants ang nagpositibo sa COVID-19.
