-- Advertisements --
Inanunsiyo ng Miss World Philippines organization na hahawakan na nila ang Miss Supranational beauty pageant.
Kinumpirma ito mismo ni Miss World Philippines national director Arnold Vegafria.
Sa kaniyang social media post, na ang pagdagdag nila ng Miss Supranational title ay mabibigyan pa lalo ng mas malawak na tsansa ang mga Filipina sa mga beauty pageant.
Ipinakita rin nito ang sulat mula sa Mister and Mister Supranational Organization president Gerhard Parzutkz Von Lipinski.
Magugunitang hawak na ng MWP, ang prankisa ng Reina Hispanoamericana, Miss Eco International, Miss Eco Teen International, Miss Multinational at Miss Philippines Tourism.
Dahil na rin sa coronavirus pandemic ay iniurong na sa 2021 ang Miss World Philippines 2020.
