MMDA, nakakolekta ng 60 trash bags ng mga basura sa Rizal Park kasabay ng pagdiriwang ng Bagong Taon

Umabot sa 60 trash bags ang nakolekta ng MMDA sa Rizal Park o Luneta sa Maynila simula noong pagdiriwang ng Bagong Taon.

Ayon sa pamunuan ng ahensya, kabilang sa mga nakuhan na basura ang mga bote, plastic, mga left over food, straw at karton na ginamit ng mga namamasyal.

Matatandaan na ang ilan kasi nating mga kababayan ay mas pinili na magdiwang ng bagong taon sa nasabing parke.

Ang mga miyembre ng MMDA ay sama-samang naglinis ng mga kalat at basura na iniwan ng mga namamasyal upang mapanatili pa rin ang kalinisan sa Luneta Park.

Una nang nagpaalala ang MMDA sa publiko na maging responsable sa mga basura at itapon ang mga ito sa tamang tapunan upang mapangalagaan ang kapiligiran.