Tiniyak ng Metropolitan Manila Development Authority (MMDA) na mas pagbubutihin nila ang working conditions ng kanilang mga trabahador kasunod ng panawagan ng aktres na si Bela Padilla.
Ayon kay MMDA Edsa traffic head Bong Nebrija, ina-upgrade na nila maging ang mga heavy equipment para sa mas ligtas na work environment sa kanilang mga tauhan.
Una rito, deretsahang tinukoy ni Bela ang MMDA sa kanyang post na larawan ng ilang MMDA workers habang nakasakay sa walang bubong na truck kaya naka-payong lamang.
“Hello @MMDA, I hope next time you can transport your workers more safely. If we have laws to keep objects in closed trucks to avoid accidents, is it right that your men are exposed to harm this way?” ang tweet ni Padilla.
Tugon ng MMDA sa Inquirer, “Safety is everyone’s responsibility. There’s no excuse here, we will again reiterate our safety standards to our men and make sure their supervisors do not expose them to such unsafe conditions.”
“Our agency is also upgrading our heavy equipment to allow our personnel to do their work in a more safe environment — that to include their transportation to their site of work,” dagdag nito.
Makakaasa anila na magiging hands on din si MMDA under Chairman Danny Lim sa concern ng 28-year-old actress.
