-- Advertisements --
Masayang ibinahagi ng actor and TV host Nick Cannon ang panganganak ng partner nitong model na si Brittany Bell.
Isinilang na kasi nito ang kanilang baby girl na ipinangalanang Powerful Queen Cannon.
Sa kaniyang social media post, ay nagpost si Bell ng larawan kasama ang bagong silang na anak.
Ito na ang pangalawang anak ng dalawa na ang una ay lalaki na pinangalanang Golden “Sagon” Cannon na isinilang noong Pebrero 2017.
Si Cannon na dating host ng “America’s Got Talent” ay ikinasal noon kay pop superstar Mariah Carey kung saan mayroon silang anak na kambal isang lalaki at babae na sina Monroe at Moroccan na siyam na taong gulang na.
