Mon Tulfo: ‘Hindi ako, si Ben ang nagnakaw ng P60-M sa DOT deal’

Nagpasaring ang broadcaster at special envoy to China na si Mon Tulfo sa kanyang kapatid na si Ben kaugnay ng kontrobersya sa P60-milyon TV advertisment deal ng Department of Tourism o DOT noong 2018.

Sa isang online post, sinagot ng nakatatandang Tulfo ang pahayag ng isang user na kuwestyon sa kanyang pahayag kontra sa pagdo-donate ni former DFA Sec. Albert del Rosario ng P500,000 sa Recto Bank 22.

Former Foreign Secretary Albert del Rosario donating 500k to fishermen in the Recto Bank incident cheapens his act. He should be the last to do that coming as it does in the wake of his being barred from entering Hong Kong. He should have done that before he was refused entry,

— Ramon Tulfo (@RamonTulfoII) June 24, 2019

Ipinunto ni Tulfo na ang kanyang nakababatang kapatid ang umano”y “nagnakaw” ng P60-milyon sa kontratang ipinasok noon ng DOT sa kompaniyang pag-aari ni Ben.

Hoy, gaga! Di ako ang nagnakaw ng 60m. Kapatid kong si Ben yung tinutukoy mo.

— Ramon Tulfo (@RamonTulfoII) June 25, 2019

Una nang sinabi ni Mon na “casualty” lang na maituturing ang pagkakadawit ng kanilang kapatid na si dating Tourism Sec. Wanda Teo sa naturang kontrobersya.

Kung maaalala napilitang nag-resign noon sa kanyang puwesto si Wanda.