Arestado ng mga tauhan ng PNP Anti-Kidnapping Group (AKG) ang kilabot na kidnap for ransom group member at no.1 most wanted person sa Misamis Occidental sa ikinasang operasyon sa Kibawe, Bukidnon kahapon, August 29,2020.
Kinilala ni PNP-AKG Director BGen. Jonnel Estomo ang inarestong suspek na si Ryan James Sebellano alias Jimboy na nahaharap sa kasong murder dahil sa pagpatay sa isang Rolando Suson nuong 2010.
Si Sebellano ay itinuring na Top 1 most wanted Person, tinukoy na prime suspek sa pagdukot kay Shenny Sy Ang sa Cavite ng kasalukuyang taon.
Sangkot din ang suspek sa Robbery Extortion activities, Gun for Hire, Drug Trafficking at Kidnap for Ransom.
Dahil sa maiinit ito, nagdesisyon itong manirahan sa Maramag, Bukidnon kung saan duon nakapag-asawa at nagta-trabaho bilang construction worker.
Taong 2019, nakatakas sa joint operations ng PNP si Sebellano.
Kasalukuyang sumasailalim sa tactical interrogation si Sebellano sa AKG Iligan Sattelite Office.
