Isasagawa sa pamamagitan ng isang motorcade ang procession ng Black Nazarene sa darating na Good Friday, Abril 15.
Ayon kay Quiapo Church parochial vicar Fr. Douglas Badong, dadaan ang naturang motorcade sa rutang sinusunod tuwing Traslacion.
Nakikiusap si Fr. Badong sa mga hijos at sa iba pang mga deboto na iwasan muna ang pagsampa sa pagkaka-kargahan ng imahe ng Itim na Nazareno.
Alas-12:00 ng hating gabi nakatakda ang pag-alis ng imahe ng Itim na Nazareno sa Quiapo Church.
Sa mga makikibahagi sa prosesyon, sinabi ni Fr. Badong na dapat palagi pa ring nakasuot ng face mask ang lahat at pinapayuhan din sila na huwag magpaa.
Sa kabilang dako, sinabi rin niya na magkakaroon din ng iba pang mga aktibidad sa Quiapo Church kaugnay sa Holy Week kabilang na ang Senakulo.
