Motorista patay sa vehicular accident sa Kidapawan City

CENTRAL MINDANAO-Binawian ng buhay ang isang motorista sa nangyaring vehicular Accident sa Kidapawan City kagabi.

Nakilala ang biktima na si Afredo Bacarisas na residente ng Barangay Gayola Kidapawan City.

Ayon sa ulat ng pulisya na nangyari ang vehicular crash sa Barangay Sikitan ng lungsod kung saan nakabanggaan ng biktima na sakay ng motorsiklo ang pulang kotse na may license plate na GAN-1193.

Sa lakas ng impak ng banggaan ay tumilapon si Bacarisas at nahulog naman sa kanal ang motorsiklo nito.

Naisugod pa sa bahay pagamutan ang biktima pero binawian din ito ng buhay.

Sa ngayon ay nagpapatuloy ang imbestigasyon ng Kidapawan City PNP sa naturang pangyayari.