-- Advertisements --
Muling nagbuga muli ng abo ang Bulkang Kanlaon ngayong araw, Enero 25, 2025.
Ayon sa Phivolcs, naitala ito bandang alas-10:48 ng umaga hanggang alas-11:15 ng umaga.
Ang usok ay umabot sa 200-850 metro mula sa tuktok ng bunganga ng bulkan bago ito tinangay ng hangin patungong kanluran at timog-kanlurang direksyon, ayon sa KVO-CC Observatory sa lungsod ng Canlaon.
Naiulat naman ang ashfall sa Brgy. Yubo, La Carlota City, Negros Occidental.
Kaugnay nito, pinag-iingat ang mga residente sa maaring pagpatak ng abo na ibinuga ng bulkan.
Ayon sa Phivolcs, nananatiling nakataas sa Alert Level 3 ang bulkan at posibleng maitaas pa sa Alert Level 4 dahil sa aktibidad nito.
