-- Advertisements --
Dagupan City- Patay ang isang municipal councilor sa bayan ng San Jacinto matapos barilin ng mga hindi nakikilalang suspek .
Kinilala ang biktima na si municipal councilor Virgilio Calizo Jr., residente ng barangay Guebel, San Jacinto.
Ayon kay Police Staff Sergeant Rogelio Catabay ng PNP San Jacinto sa panayam ng Bombo Radyo Dagupan, nangyari ang pamamaril dakong 8:30 nitong Sabado ng gabi sa kahabaan ng barangay Imelda, San Jacinto .
Sakay ng van ang biktima nang biglang lapitan at barilin ng mga hindi pa nakikilalang suspek.
Tinamaan ng bala sa ulo ang biktima na sanhi ng agaran nitong kamatayan.
Sa ngayon ay patuloy ang imbestigasyon sa nangyaring pamamaril.
