-- Advertisements --
Nangako ang gumawa ng wax figure ng actor na si Dwayne “The Rock” Johnson na kanila itong aayusin.
Ito ay matapos na umani ng batikos ng ipakita sa publiko ang nasabing wax figure dahil sa kakaibang kulay ng kaniyang balat.
Masyado kasing maputi ang nasabing kulay ng actor kaya ito ay binatikos ng kaniyang fans.
Sinabi naman ng Musee Grevin ang museum sa Paris na humingi na sila ng paumanhin sa actor.
Inakusahan pa ang nasabing museum ng “white washing” dahil sa ibang kulay ng wax figure.
Ang namayapang ama kasi ng actor na wrestler na si Rocky Johnson ay isang Black Nova Scotian habang ang kaniyang ina ay isang Samoan.
