Nakakatandang kapatid, sinaksak-patay sa Agusan Del Sur

BUTUAN CITY – Nasa piitan na ang isang lalaki matapos nitong sinaksak-patay ang kaniyang nakatatandang kapatid noong Sabado sa alas 10:10 ng gabii sa Purok-3, Brgy. Marbon, Talacogon, Agusan del Sur.

Nakilala ang suspek na si Jeruel Cullantes Umanglad , 27-anyos, may-asawa at isang magsasaka habang ang biktima ay si Jeryl Cullantes Umanglad, 29-anyos, binata na parehong residente sa nasabing lugar.

Sa imbestigasyon ng pulisya, lasing ang biktima nang pinagtitripan ang kaniyang kapatid na siyang ikinagalit ng suspek na kumuha ng kutsilyo at sinaksak ang kapatid.
Kaagad na dinala ang biktima sa Talacogon District Hospital ngunit dineklarang dead-on-arrival habang kaagad namang naaresto ang suspek.