Namataang drones sa ilang lugar sa US, nagdulot ng maraming espikulasyon

NEW JERSEY, USA – Patuloy ang misteryo sa mga sightings ng drone sa New Jersey at iba pang estado ng US, na ikinababahala ng mga residente.

Kinumpirma ni Homeland Security Secretary Alejandro Mayorkas na kabilang dito ang drones at manned aircraft.

Maraming sightings mula Nobyembre 18, malapit sa mga sensitibong lugar tulad ng Picatinny Arsenal at golf course ni President-elect Donald Trump.

Pero sa ngayon, wala pang ebidensya ng banta sa kaligtasan ng publiko ayon sa mga otoridad.

Hindi pa malinaw kung sino ang nagpapatakbo ng mga drones, ngunit walang dayuhang pinagmulan ayon sa mga otoridad.