CENTRAL MINDANAO-Dalawa katao ang nasawai sa pamamaril sa lalawigan ng Maguindanao.
Nakilala ang mga nasawi Ken-ken Blazo at alyas Edgar,mga residente ng Lebak Sultan Kudarat at pansamantalang nakatira sa Pigcawayan Cotabato.
Ayon sa ulat ng pulisya na sakay ng kanilang traysikad ang mga biktima galing sa pangangalakal ng bote at bakal ngunit pagsapit nila sa Barangay Crossing Simuay Sultan Kudarat Maguindanao ay dinikitan ito ng riding in tandem suspects at pinagbabaril gamit ang kalibre.45 na pistola.
Patay on the spot ang mga biktima nang magtamo ng maraming tama ng bala sa ibat-ibang parte ng kanilang katawan.
Mabilis namang tumakas ang mga suspek patungo sa liblib na lugar sa bayan ng Sultan Kudarat Maguindanao.
Sa ngayon ay nagpapatuloy ang imbestigasyon ng Sultan Kudarat Municipal Police Station sa pamamaril patay sa mga biktima.
