-- Advertisements --
Mabilis na naubos ang Barbie doll na ginawa para kay tennis star Naomi Osaka ilang oras matapos na ito ay inilabas sa publiko.
Ang nasabing Barbie Role Model series ay may hawak na tennis racket at nakasuot na puting tennis dress at white visor.
Sinabi ng Japanese tennis star na ang nasabing kasuotan ay siyang isinuot niya noong 2020 Australian Open.
Nakuha ng 23-anyos na tennis star ang unang grand slam title noong 2018.
Magugunitang inamin ng tennis world number 2 na dumanas siya ng depression matapos ang kaniyang unang grand slam title noong 2018.
