NAGA CITY – Aabot sa P15,000 ang halaga ng shabu na nasamsam ng mga otoridad sa isang lalaki sa isinagawang buybust operation sa Zone 2, Sta. Cruz, Naga City.
Kinilala ang suspek na si Dominador Inocalla aka Uya, 46, residente ng Zone 3, Sta Cruz sa nasabing lungsod.
Sa nakalap na impormasyon ng Bombo Radyo Naga sa Naga City Police Office, nabatid na naaresto si Uya matapos na makabili ang isang pulis na umaktong posuer-buyer ng isang pakete ng hinihinalang shabu sa halagang P14,500.
Sa ginawang body search sa suspek, narekober pa sa posisyon nito ang isang kalibre .38 na revolver at tatlong bala sa loob ng cylinder.
Samantala, nabatid pa itinuturing ang suspek na nasa Top 2 regional level ng illegal drugs watchlist sa nasabing lalawigan.
Sa ngayon, nasa kustodiya na ng mga otoridad ang suspek para sa karampatang disposisyon.
