NAGA CITY – Kumpiskado ang nasa P150-K na halaga ng iligal na droga sa isinagawang buybust operation ng mga otoridad sa Nazareth Homes, Cadlan, Pili, Camarines Sur.
Kinilala ang suspek na si Henry Duro, 36-anyos, residente ng Zone 3, Labao, Libmanan, sa naturang lalawigan.
Sa nakalap na impormasyon ng Bombo Radyo Naga sa Camarines Sur Police Provincial Office napag-alaman na nakabili dito ang nagpanggap na posuer buyer ng isang pakete ng pinaniniwalaang shabu.
Sa inisyal na imbestigasyon ng mga awtoridad nabatid na maliban sa buybust item, narekober pa sa suspek ang isa pang pakete ng pinaniniwalaang shabu at isang unit ng cellphone.
Tinataya namang nagkakahalaga ng nasa P150,000.00 ang mga nakumpiskang iligal na droga mula sa nasabing suspek.
Sa ngayon ay nasa kustodiya na ng mga awtoridad ang suspek para sa karampatang disposisyon.
