LAOAG CITY – Pinangunahan ng National Commission for Culture and the Arts o NCCA ang pagdiriwang ng Birth Centennial Logo ng Manlilikha ng Bayan o National Living Treasures Awardee na si Magdalena Galinato Gamayo.
Ayon kay NCCA Commissioner Reden Ulo, ginanap ang Birth Centennial Logo sa Brgy. Lumbaan-Bicbica, Pinili na may pangunahing mensahe mula kay Senate President Pro Tempore Loren Legarda at pagpapakilala sa birth centennial celebration ng NCCA Chair Victorino Manalo kasama ang mga mensahe ng suporta mula sa Presidential Assistant for Northern Luzon, Assistant Sec. Anna Carmela Remigio, Ilocos Norte Gov. Matthew Marcos Manotoc at si Pinili Mayor Rommel Labasan.
Iniharap din aniya sa event ang lineup ng mga aktibidad para sa taon patungkol sa Birth Centennial Logo, na nagmamarka ng pagsisimula ng 100-day countdown sa birth centennial ng Manlilikha ng Bayan Gamayo noong Agosto 13,
Ipinaliwanag niya na bilang pinakamataas na ahensyang namamahala sa mga gawaing pangkultura at sining sa bansa, ang National Commission for Culture and the Arts ang mangunguna sa pagdiriwang para sa Manlilikha ng Bayan ni Magdalena Gamayo.
Inilabas aniya ng National Commission for Culture and the Arts ang Birth Centennial logo ng Manlilikha ng Bayan Magdalena Gamayo na nagsimula ng 100-araw na countdown sa napakahalagang okasyong ito.
Samantala, inihayag niya ang layunin ng selebrasyon na magbigay ng inspirasyon sa mga nakababatang henerasyon upang higit pang isulong ang natatanging pamana ng Manlilikha ng Bayan Magdalena Gamayo at ang kanyang pangmatagalang mga pagpapahalaga na humubog sa ibinahaging kasaysayan at tradisyon ng komunidad ng mga Ilokano at pamana ng kultura ng bansa.
