Handa nang sumabak sa bagong season si 1-time NBA champion Jamal Murray.
Kamakailan ay pumirma si Murray ng apat na taong contract extension na nagkakahalaga ng $207,845,568.
Sa media day ng Nuggets ilang linggo bago ang pagsisimula ng bagong season, sinabi ng Denver guard na naka-kondisyon na ang kaniyang katawan at isip para sa bagong season.
Bagamat ilang beses siyang nalimitahan sa paglalaro nitong nakalipas na season dahil sa injury, kampante ang batikang guard na makakapagbigay ito ng magandang laro sa susunod na season kasabay ng tuluy-tuloy na pag-iensayo.
Ngayong taon ay target pa rin ng koponan na makapag-uwi ng panibagong kampeonato at nakahanda aniya ang buong team para rito.
Ngayon season ay makakasama ni Murray sa guard position ang hari ng triple-double na si Russel Westbrook kasunod ng pagkaka-trade sa kanya nitong Hulyo.
Ayon kay Murray, malaki ang maitutulong ng batikang guard upang muling makabalik sa championship contention ang Nuggets, kasama ang iba pang player ng koponan.
Ang Nuggets ang naging kampeon noong 2023. Nitong nakalipas na season, hindi pinalad ang koponan na umusad sa Western Conference finals matapos itong pataubin ng Minnesota Timberwolves.
