Pinaghahandaan na ng defending champion na Denver Nuggets ang pag-depensa sa hawak nitong titulo kasabay ng papalapit na pagsisimula ng 2023-2024 season.
Ayon kay Denver head coach Michael Malone, gaano man katagumpay ang kanilang koponan sa nakalipas na season ay wala na itong bigat sa panibagong season.
Malaking hamon aniya na mapanatili nila ang magandang performance at magawang depensagan ang hawal na titulo.
Bagaman naging solido ang depensa at opensa ng Denver sa nakalipas na season, nagkaroon pa rin ng pagbabago sa naturang koponan.
Mula sa orihinal na lineup, nailipat na ng koponan ang isa nitong batikang player na nagsilbing 6th man na si Bruce Brown.
Gayonpaman, nadagdagan naman ito ng mga bagitong manlalaro.
Nagawa ng Denver na maipanalo ang kauna-unahan nitong kampeoonato noong Hunyo, 2023, matapos pataubin ang Miami Heat sa loob ng limang game.
Una rito, nagawa ng naturang team na talunin ang Los Angeles Lakers na pinamumunuan ni Lebron James sa loob lamang ng apat na game.
