Inamin ng Miami Heat legend na si Dwyane Wade na hindi pa rin niya isinasara nang tuluyan ang posibilidad na muling magbalik sa NBA.
Ito ay sa kabila nang kanyang pagretiro na noong nakaraang season sa ilalim ng Miami.
Katunayan ayon kay Wade, pinapaghanda siya ng kanyang trainer na laging maging ready at ikondisyon ang sarili bilang NBA-level shape.
Kinumpirma rin niya na sasamahan pa niya sa work out ang kanyang malapit na kaibigan at dating teammate na LeBron James bago ang NBA season sa isang practice facility.
Si Wade ay nakatira na rin ngayon sa Los Angeles.
“I’m done, but my trainer is going to keep me in shape just in case something happens,” ani Wade sa Los Angeles Times. “I’m going to stay in shape because you never know. Never say never.”
