Inanunsiyo na ni Spanish basketball star Pau Gasol ang kaniyang pagreretiro sa basketball.
Ayon sa 41-anyos na basketbolista, umabot din ng ilang taon bago tuluyan itong magdesisyon na magretiro sa paglalaro.
Isa sa nagtulak na magretiro ay nang magtamo ito ng fracture sa kaniyang kaliwang paa noong 2019.
Nagsimula ang paglalaro ng 7-feet-1 na player noong 1998 sa Barcelona hanggang makuha siya ng Memphis Grizzles noong 2001.
Nagwagi ito ng NBA championships noong ito ay nasa Los Angeles Lakers noong 2009 at 2010 at anim na beses na nakasama sa NBA All-Star team.
Naglaro din ito sa mga koponan gaya sa Chicago Bulls, San Antonio Spurs, Milwaukee Bucks at Portland Trail Blazers.
Nakasama rin si Gasol sa Olympic team ng Spain kung saan nakakuha sila ng silver medal noong 2008 at 2012 at bronze medal naman noong 2016 Olympics.
