Inaprubahan na ng Inter-Agency Task Force (IATF) ang rekomendasyong ilagay na sa Alert Level 3 ang National Capital Region (NCR) simula sa Oktubre 16 hanggang Oktubre 31.
Sa kasalukuyan, ang NCR ay nasa Alert Level 4 kasabay ng pagpapairal ng mga granular lockdowns sa mga purok, street, kabahayan, condominiums o subdivision na magtatala ng COVID-19 cases.
Sinabi ni Presidential Spokesman Harry Roque, inaprubahan din ng IATF na isailalim sa Modified Enhanced Community Quarantine (MECQ) ang Apayao, Kalinga, Batanes, Bulacan, Bataan, Cavite, Rizal, Laguna, at Naga City sa Luzon; Zamboanga City at Zamboanga del Norte sa Mindanao simula Oktubre 16 hanggang Oktubre 31.
Sasailalim naman sa General Community Quarantine (GCQ) with heightened restrictions ang Abra, Baguio City, Ilocos Sur, Pangasinan, Cagayan, Isabela, City of Santiago, Nueva Vizcaya, Quirino, Quezon, at Batangas sa Luzon; Bacolod City, Capiz, Lapu-Lapu City, Negros Oriental, at Bohol sa Visayas; Zamboanga del Sur, Misamis Oriental, Cagayan de Oro City, Davao del Norte, Davao Occidental, Davao de Oro, Butuan City, at Surigao del Sur sa Mindanao.
Ang Ilocos Norte, Dagupan City, Ifugao, Benguet, Tarlac, Lucena City, Occidental Mindoro, Oriental Mindoro, Puerto Princesa, Marinduque, Albay, at Camarines Norte sa Luzon; Aklan, Antique, Guimaras, Negros Occidental, Iloilo City, Iloilo Province, Cebu City, Cebu Province, Mandaue City, Siquijor, at Tacloban City sa Visayas; Zamboanga Sibugay, Misamis Occidental, Iligan City, Davao City, Davao Oriental, Davao del Sur, General Santos City, Sultan Kudarat, Sarangani, North Cotabato, South Cotabato, Agusan del Norte, Agusan del Sur, Surigao del Norte, Dinagat Islands, Cotabato City, at Lanao del Sur sa Mindanao.
Ang ibang lugar na hindi nabanggit ay sasailalim sa Modified General Community Quarantine (MGCQ).
