-- Advertisements --
Nakatikim ng sermon kay National Capital Region Police Office (NCRPO) Chief MGen. Guillermo Eleazar ang tatlong pulis na naabutan nitong tulog habang nasa loob ng presinto.
Nagsagawa kasing muli si Eleazar ng surprise inspection sa mga istasyon ng pulis sa Southern Police District (SPD) kaninang madaling araw.
Kabilang sa mga pinuntahan ni Eleazar ay ang police community precincts (PCP) sa Las Piñas at Muntinlupa, maging ang headquarters ng Muntinlupa PNP.
Sa Las Piñas, naabutan ni Eleazar na mahimbing ang tulog ng dalawang mobile patrol officer at isang police desk officer.
Samantala, pinaalalahanan ni Eleazar ang mga pulis na maging malinis sa paligid matapos madatnan ang mga balat ng candy at bottled water sa labas ng mga police precincts.
