Promoted na bilang two star general o major general si NCRPO chief Vicente Danao Jr.
Mismong si PNP chief Gen. Debold Sinas at mga opisyal ng PNP Command Group ang nanguna sa donning of ranks.
Si Danao ay miyembro ng PMA Sambisig Class 1991 at ang pinakabatang opisyal na na-promote bilang two star general.
Nagpasalamat naman si Danao sa Pangulong Rodrigo Duterte at kay PNP chief Sinas sa paggawad ng promotion sa kaniya.
Siniguro ng opisyal na gagampanan nito ang kaniyang trabaho ng mas maayos at mas mahusay.
Isinagawa ang donning of ranks sa Camp Crame headquarters.
Sa pagbalik ni Danao sa NCRPO headquarters sa Camp Bagong Diwa sa Taguig City, ay sakq binigyan siya ng arrival honors.
Sa ilalim ng pamumuno ni Danao iba’t ibang mga programa ang kaniyang inilatag.
Kabilang dito ang pagsasagawa ng KAAGAPAY KO program (gift giving) sa mga mahihirap na barangays sa Metro Manila.
Pinangunanahan din nito ang mga dialogues sa mga barangays para palakasin ang ugnayan ng PNP at komunidad.
Pinaalalahanan din ni Danao ang kaniyang mga tauhan sa kaniyang slogan ang “Serbisyong TAMA; Tapat, may Tapang at Malasakit sa Mamamayan.”
