Nanawagan ang National Disaster Risk Reduction and Management Council (NDRRMC) sa publiko na lumahok sa lahat ng earthquake drill sa bansa na naglalayong mabawasan ang mga nasawi dahil wala pa ring paraan upang mahulaan kung kailan mangyayari ang mga lindol.
Ayon kay NDRRMC Undersecretary Ariel Nepomuceno, ang mga lindol ay maaaring mangyari anumang oras nang walang babala.
Aniya, mahalaga ang paghahanda sa mga lindol dahil makakatulong ito upang mabawasan ang mga pinsala at ang mga maaaring masawi sa posibleng insidente nito.
Ang bansa ay nakatakdang isagawa ang unang quarter nito na Nationwide Simultaneous Earthquake Drill (NSED) alas-2:00 ng hapon ngayong araw.
Ang pangunahing seremonyal na pangungunahan ng mga opisyal ng National Disaster Risk Reduction and Management Council ay gaganapin sa Camp Aguinaldo, Quezon City at tututok sa magnitude 7.2 na senaryo ng lindol.
