CENTRAL MINDANAO-Sugatan ang isang negosyante sa pamamaril sa Midsayap Cotabato.
Nakilala ang biktima na si Christopher Galdones na residente ng Purok Bayabas Barangay Central Glad Midsayap Cotabato.
Ayon kay Midsayap Chief of Police Lieutenant Colonel Rolly Oranza na pinasok ng mga hindi kilalang suspek ang pamamahay ng biktima at pinagbabaril gamit ang kalibre.45 na pistola.
Mabilis namang tumakas ang mga salarin sakay ng motorsiklo.
Agad dinala ang biktima sa ospital at patuloy na ginagamot ng mga doktor.
Binisita naman ni Midsayap Mayor Rolly “Ur the Man”Sacdalan ang biktima sa pagamutan at nagbigay ng paunang tulong.
Pinag-utos rin ng alkalde sa pulisya ang malalimang imbestigasyon sa pamamaril kay Galdones.
Pinoproseso rin ng Municipal Social Welfare and Development Office (MSWDO-Midsayap) sa pamumuno ni Karl Ballentes ang emergency Philhealth ng biktima para makatulong sa bayarin nito sa pagamutan.
