“Looking forward” na umano si Toronto Raptors coach Nick Nurse sa kanyang panibagong papel bilang head tactician ng Team Canada sa darating na FIBA World Cup sa China.
Ayon kay Nurse, tiwala itong malaki ang maitutulong sa kanya ng nasabing oportunidad upang mas gumaling pa ito sa pagiging coach.
“I’m getting ready to take another situation soon because I think it’s going to make me a better coach,†wika ni Nurse.
“It’s something I’m looking forward to doing… I learned a lot as a coach in that run and I’m hoping this experience will do the same.
“It’s a unique time with the World Cup and the Olympics within a short 13- to 14-month window. And it fits in OK. I’m just giving up some vacation time,†dagdag nito.
Kinumpirma rin ni Nurse na malapit na rin daw maplantsa ang kasunduan para maging bagong head coach ng Canada makaraang bumaba sa puwesto si Jay Triano noong Marso.
Matatandaang ginabayan ni Nurse ang Raptors sa kanilang unang NBA title makaraang payukuin ang two-time defending champion na Golden State Warriors.
