CEBU CITY – Nahaharap sa kasong attempted rape at trespassing ang isang Nigerian national na medical student sa Cebu matapos nitong tangkaing gahasain ang isang college studente sa loob ng boarding house nito sa may Urgello, Brgy. Sambag 1.
Kinilala ang dayo na si Macinnocent Soky Odimgbe, 22, at nag-aaral sa isang pribadong paaralan sa lungsod ng Cebu.
Ayon kay Maj. Elisandro Quijano,hepe ng Abella PNP, bumili lang umano ng pagkain ang biktima pero agad na pumasok ang Nigerian sa boarding house nito.
Pagkapasok naman ng babaeng biktima, itinulak umano ito ng suspect at hinila patungong CR at doon sana pagsasamantalahan.
Ngunit hindi umano natuloy ang masamang balak ng suspect dahil namalayan ang naging komosyon ng iba pang boarders sa nasabing boarding house at agad na hinuli ang suspect sa pamamagitan ng citizen arrest.
Napag-alaman na meron na palang record ang nasabing medical student sa parehong reklamo kung saan ginagawa umano ito ng suspect sa tuwing nalalasing.
