NLEX pinatikim ng unang talo ang TNT 126-113

Pinatikim ng NLEX ang unang pagkatalo ng TNT KaTropa 126-113 sa nagpapatuloy na PBA Governors’ Cup.

Pinangunahan ni Manny Harris ang panalo na nagtala ng 40 points.

Nag-ambag naman ng 16 points, 13 assists si Kiefer Ravena habang mayroong 15 points naman si Jericho Cruz.

Pinasalamatan naman ni NLEX coach Yeng Guiao ang ginawang pagsisikap ng kaniyang koponan.

Mayroon ng pitong panalo at isang talo ang TNT na siyang nasa unang puwesto pa rin habang may anim na panalo at isang talo ang NLEX.

Mula sa unang quarter ay hindi na hinayaan pa ng NLEX na makakuha ng kalamangan ang TNT.

Hindi naman naging sapat ang ginawang 42 points at 13 rebounds si KJ McDaniels habang mayroong 35 points si RR Pogoy.