Nagkasundo ang Denver at ang Miami Heat sa isang trade sa mismong araw ng NBA Draft na siyang hudyat para maangkin na ng Nuggets si Oregon center Bol Bol.
Wala mang draft pick ang Nuggets, nasuyo nila ang Heat na magkaroon ng deal sa kanila matapos makuha ng Miami si Bol sa No. 44.
Bilang kapalit, matatanggap ng Heat ang isang future second-round pick at and cash considerations.
Ang 7-foot-2 na si Bol ay mayroong 7-7 wingspan na katulad ng tangkad ng kanyang ama na dati ring NBA player na si Manute Bol.
Nalimitahan lamang sa siyam na laro si Bol Bol sa Oregon noong nakaraang taon dahil sa foot injury.
Mayroon itong average na 21 points, 9.6 rebounds at 2.7 blocks.
Ayon sa mga observers, maaari umanong ipares si Bol Bol kay Nuggets All-Star Nikola Jokic.
