-- Advertisements --
BAGUIO CITY – Naging inspirasyon sa kadeteng mula Kabayan, Benguet na Number 5 sa PMA ‘MASIDLAWIN’ CLASS OF 2020 ang dalawa nitong kapatid na nagtapos din sa akademya.
Sa panayam ng Bombo Radyo sa ama ni CDT 1CL Jeb Belting Bay-an na si James Carame Bay-an, sinabi nitong kahit hindi nito nasaksihan ang pagtatapos ng kanyang anak ay lubos pa rin itong nagagalak sa tagumpay na natamo ng bunsong anak nito.
Aniya, naging inspirasyon kay Cadet First Class Bay-an ang dalawa nitong kapatid na pulis na aktibo sa serbisyo.
Inihayag nito ang kanyang pasasalamat sa Maykapal dahil nasuklian ang kanilang sakripisyo.
Nakatanggap si Cadet First Class Bay-an ng Philippine Air Force Award at Australian Defense Best Over-All Performance Award.
