KORONADAL CITY – Di parin makapaniwala hanggang sa ngayon ang Top 9 sa katatapos lamang na licensure examination for Teachers na si Meynard Jude Arguilles na taga Purok Twin River,Brgy.Sto.niño, Koronadal City.
Ayon kay Maynard, hindi nito lubos maisip na mapapasali ito sa mga manguna sa eksaminasyon.
Gayon na lamang nang kanyang pagkagulat hindi dahil sa pasado ito ngunit ito rin ang Top 9 Elementary level na mas iknatuwa rin nito.
Napaiyak naman ni Meynard dahil walang mapagsidlan ang kaligayahan nito habang ibinabahagi ang kanyang tagumpay sa kanyang mga magulang at mga kakilala.
Ayon pa sa kanya, proud na proud rin sa ngayon ang kanyang mga magulang dahil sa nakamit nitong tagumpay at sa subrang dami ng notifications na dumarating sa kanyang social media, halos nag lalag na ang cellphone nito.
Nakakuha si Meynard ng average na 90.20% sa pagsusulit.
Taus-puso namang nagpasalamat ito sa mentors ,kanyang mga magulang at kapamilya lalo na sa Maykapal sa naabot nitong tagumpay.
Sa ngayon, aminado itong may mga mensahe na siyang natatanggap sa mga potensyal na employers na interesado sa kanya.
