-- Advertisements --
Magiging maganda ang ilang araw na bakasyon ng NorthPort Batang Pier matapos na talunin nila ang guest team na Eastern 120-113 sa nagpapatuloy na PBA Commissioner’s Cup.
Mayroon ng anim na panalo at isang talo ang NorthPort habang ang Eastern ay mayroong limang panalo at dalawang talo sa laro na ginanap sa Philsport Arena sa lungsod ng Pasig.
Nanguna sa panalo ng NorthPort ang import na si Kadeem Jack na nagtala ng 38 points at siyam na rebounds habang mayroong 35 points naman ang naitala ni Arvin Tolentino.
Nasayang naman ang nagawang 26 points at 19 rebounds ni Chris McLaughin para sa Eastern.
