-- Advertisements --
Tinambakan ng NorthPort Batang Pier ang NLEX Road Warriors 114-87 sa nagpapatuloy na 49th PBA Commissioners’ Cup.
Sa first quarter ay hawak pa ng NLEX ang kalamangan kung saan umabot pa sa 16 points ito sa laro na ginanap sa Ninoy Aquino Stadium.
Pagpasok ng second quarter ay nakabangon ang Batang Pier at nabaligtad ang kalamangan.
Bumida sa panalo ng NorthPort si Arvin Tolentino na nagtala ng 29 points habang ang import na si Kadeem Jack ay mayroong 25 points, anim na rebounds at tatlong assists at dalawang steals.
Nasayang ang nagawang 29 points at 19 rebounds si Michael Griffin para sa NLEX.
