Notorius drug pusher at dating detainee, patay sa drug ops sa Lucena City

NAGA CITY – Patay ang isang kilalang notorious drug pusher at dating detainee sa gitna nang anti-illegal drug operation ng mga otoridad sa Purok 3B, Barangay Dalahican, Lucena City.

Kinilala ang suspek na si Rommel Balsuita Delos Santos, 35-anyos.

Sa impormasyon na nakuha ng Bombo Radyo Naga sa PNP- Lucena, napag alaman na nang akmang aarestuhin na sana ng police poseur buyer ang suspek nang bigla itong bumunot ng caliber 38 revolver at pinaputukan ang pulis.

Agad namang nakaganti ng putok ang backup security at tinamaan ang suspek na naging sanhi ng agarang kamatayan nito.

Nakuha sa suspek ang 0.27 grams na pinaniniwalaang shabu na nagkakahalaga ng P500.