Hindi pa rin hinayaan ng Denver Nuggets na tuluyang makapasok sa Western Conference Finals ang Los Angeles Clippers.
Ito ay matapos maitabla ng Nuggets angserte sa 3-3 kaugnay sa best-of-seven semifinals sa score na 111-98.
Naging bida sa panalo ng Nuggets si Nikola Jokic na mayroong 34 points, 14 rebounds at pitong assists habang mayroong 21 points si Jamal Murray.
Umabot pa ng 16 points ang kalamangan ng Clippers sa first half ng laro hanggang sa nakabawi ang Nuggets sa pagpasok ng second half.
Nasayang naman ang nagawang 33 points, anim na rebounds at tatlong assists ni Paul George habang mayroong 25 points, 8 rebounds at limang assists ang nagawa ni Kawhi Leonard.
Inamin ni Jokic na wala sa kanila ang pressure at ito ay nasa Clippers dahil isang panalo na lamang ang kailangan nila para makapasok sa conference finals.
