-- Advertisements --
Hindi na pinaporma ni reigining UFC lightweight world champion Khabib Nurmagomedov si Justin Gaethje matapos na ito talunin ito sa loob ng ikalawang round sa UFC 254.
Sa simula pa lamang ng unang round ay pinaulanan na ni Nurmagomedov ng mga suntok at sipa si Gaethje sa kanilang laban na ginanap sa Yas Island, Abu Dhabi.
Nakabawi pa si Gaethje sa ikalawang round kung saan dumapo ang kaniyang sipa subalit hindi ito nagtagumpay at napatumba siya ni Nurmagomedov sa 1:34 ng ikalawang round.
Dahil dito ay mayroong 29-0 record ang Russian fighter habang mayroong 22 panalo at tatlong talo si Gaethje.
