NYC Mayor Bill de Blasio umatras na sa pagtakbo bilang pangulo ng U.S.

Umatras na sa pagtakbo bilang pangulo ng US si New York City Mayor Bill de Blasio.

Sinabi nito na hindi kasi niya nakumbinsi ang maraming mga liberal Democrats para tumakbo sa pagkapangulo.

Dagdag pa nito na nais niyang tumulong sa partido para sa primary election subalit tila hindi umaayon ang suwerte sa kaniya.

Ipagpapatuloy na lamang aniya ang trabaho nito bilang alkalde ng New York.

Ilan sa mga katunggali nito sa partido ay sina Massachusetts Sen. Elizabeth Warren at Vermont Sen. Bernie Sanders na siyang nangunguna sa 2020 elections.

Tiniyak na lamang ng 58-anyos na si De Blasio na kaniyang tutulungan ang partido.