Nananatili sa lower end ng Bangko Sentral ng Pilipinas (BSP) target range na 2-4% ang nailatang inflation nitong buwan ng Oktubre.
Ito ang inihayag ni House Ways and Means Chairman at Albay Rep. Joey Salceda.
Tinukoy ni Salceda na ang year-to-date average ay nakatayo sa 3.3%.
Kumpiyansa naman si Salceda na ang final inflation figure ay babagsak sa saklaw na ito, na nagpapahintulot sa BSP ng ilang kakayahang umangkop para sa mga potensyal na pagbawas ng interest rate.
Dagdag pa ng mambabatas na ang inaasahang pagtaas ng remittances ng OFW sa Disyembre ay dapat suportahan ang currency at posibleng mapagaan pa ang inflation.
Itinampok ng mambabatas ang positibong kalakaran sa presyo ng bigas, na nagpapaliwanag na bagama’t nananatiling nakababahala ang presyo ng bigas sa bawat taon, bumaba ang buwanang presyo ng mga pangunahing cereal—kabilang ang bigas, mais, at trigo o wheat.
Binigyang diin ni Salceda na malaki ang itinaas ng presyo ng farmgate, mula sa average na P18.72 ay naging P24.70 kada kilo ngayong taon 32% na pagtaas kumpara sa 27.17% na pagtaas ng well milled rice prices.
Iniugnay ni Salceda ang mga positibong resulta sa mga ginawang hakbang ni Pangulong Marcos na bawasan ang rice tariff ng mahigit 50% kung saan nakinabang dito ang mga mamimili nang hindi naapektuhan ang mga magsasaka.
Ayon kay Salceda batay sa kanilang price monitoring, patuloy na bumababa ang presyo ng karne ng manok at umabot sa P27 pesos ang nawala mula sa presyo nito noong nakaraang buwan.
Sa ngayon nananatiling matatag ang presyo ng isda.
Gayunpaman, ang mataas na presyo ng mais ay magpapanatili sa presyo ng mga karne.
Sa kabuuan sinabi ni Salceda na wala siyang nakikitang anumang red flags mula sa October figures, maiututuring ito sa pagbabalik sa “boring” monthly reports.
” I do not see any major red flags from the October figures. In many ways, this is a return to the “boring” monthly reports where nothing sticks out of the ordinary – clear signs that the global trade regime and local prices have adjusted to the shocks of 2022 and 2023. Rice and corn remain the major determinants, as they usually are. Tariff policies have already been priced in. Any subsequent structural price reduction must come from addressing fundamental issues of yield, input costs, logistics costs, and post-harvest losses,” pahayag ni Salceda.
