Office of The Civil Defense (OCD)12 naka-preposition sa maaaring pagbaha at landslides dulot ng mga pag-ulan sa Region

GENERAL SANTOS CITY – Nakahanda na ang Office of the Civil Defence Region (OCD)12 sa tag-ulan na maaaring magdulot ng mga pagbaha at landslide sa Region 12.

Ayon kay Jorrie Mae Balmediano, ang OCD 12 Spokesperson na ngayon pa lang ay naka-preposition na ang kanilang mga kagamitan para sa quick response sa mga posibleng pangyayari dulot ng tag-ulan.

Napag-alaman na may mga catch basin kasi na mga lugar sa Region 12 na ngayon ay minomonitor na ng kanilang tanggapan.

Kung maaalala ay nagdeklara na ang State Weather Bureau na nagsimula na ang rainy season sa Pilipinas.